Нават калі падаецца, што ўвесь жах застаўся ў мінулым, карная сістэма Беларусі ўсё роўна функцыянуе. 

Вольныя разам з праваабарончай арганізацыяй Human Constanta caбралі абмежаванні правоў асуджаных людзей, якія дзейнічаюць і пасля адбыцця пакарання.

‍

У заканадаўстве Рэспублікі Беларусь прапісаныя 3 віды 

абмежавання правоў асуджаных людзей пасля адбыцця пакарання:

• Прафілактычны ўлік – за любыя злачынствы
• Прафілактычнае назіранне 
• Прэвентыўны нагляд - за цяжкія (напрыклад, «распальванне варожасці», «садзейнічанне экстрэмісцкай дзейнасці», «стварэнне экстрэмісцкага фарміравання») ці асабліва цяжкія (напрыклад, «змова», «‎акт тэрарызму») злачынствы

Гэта датычыцца і вольных палітвязняў.

‍

Прафілактычны ўлік

Упаўнаважаныя супрацоўні_цы наведваюць чалавека, як_ая знаходзіцца на ўліку, па месцы жыхарства, вучобы або працы не радзей чым 1 раз у месяц. Перыядычнасць наведвання можа быць любая.

Таксама на прафілактычным уліку чалавек абавязан_а наведваць прафілактычныя мерапрыемствы (лекцыі ці прагляд фільмаў) не радзей чым 1 раз у месяц.

Працягласць мерапрыемства не павінна перавышаць 1 гадзіны.

Прафілактычны ўлік спыняецца з моманту пагашэння або зняцця судзімасці.

‍

Прафілактычнае назіранне 

Чалавек абавязан_а:

• загадзя паведамляць у АУС аб змяненні месца жыхарства і аб выезде па асабістых справах у іншую мясцовасць на тэрмін больш за адзін месяц
• наведваць АУС па выкліку і пры неабходнасці даваць тлумачэнні адносна сваіх паводзін і ладу жыцця

Прафілактычнае назіранне дзейнічае да моманту пагашэння або зняцця судзімасці. 

Рэжым прафілактычнага назірання можа быць зменены на рэжым прэвентыўнага нагляду, у выпадку, калі чалавек больш за 2 разы цягам года прыцягва_лаўся да адміністрацыйнай адказнасці.

‍

Прэвентыўны нагляд

Чалавек НЕ мае права

• наведваць пэўныя месцы
• пакідаць сваё жытло ў пэўны час сутак
• выязджаць за межы раёна або горада як па службовых, так і па асабістых справах без згоды органа ўнутраных спраў
• выязджаць за межы Беларусі. 

Супрацоўні_цы АУС маюць права

• дапытваць чалавека, 
• выклікаць на прафілактычныя гутаркі (у тым ліку ў прысутнасці свая_чак ці кіраўні_ц на працы)
• патрабаваць звесткі аб яго паводзінах у людзей з асяроддзя
• уваходзіць у любую гадзіну сутак у жытло чалавека, як_ая знаходзіцца пад наглядам. 

Акрамя таго, чалавек абавязан_а наведваць тэрытарыяльны орган АУС для рэгістрацыі ад 1 да 4 разоў штомесяц.

Тэрмін дзеяння: ад 6 месяцаў да 2 гадоў, або да зняцця судзімасці. 

‍

‍Што будзе, калі не падпарадкавацца?

За невыкананне патрабаванняў прэвентыўнага нагляду

або прафілактычнага назірання можа наступаць адміністрацыйная адказнасць – штраф або арышт да 15 сутак паводле артыкулу 25.11 КаАП.

Калі чалавек цягам года прыцягва_лаўся двойчы да адміністрацыйнай адказнасці за парушэнне патрабаванняў прэвентыўнага нагляду, супраць яго можа быць узбуджана крымінальная справа па артыкуле 421 КК (арышт або пазбаўленне волі да 1 года). За ўхіленне ад прэвентыўнага нагляду таксама прадугледжана крымінальная адказнасць паводле артыкулу 422 КК (пазбаўленне волі да двух гадоў).

Невыкананне мер прафілактычнага ўліку можа тлумачыцца як "непадпарадкаванне законным патрабаванням службовай асобы" і карацца штрафам або арыштам паводле артыкулу 24.3 КаАП.

‍

АКРАМЯ ГЭТАГА

Згодна з пастановай МУС большасць асуджаных па палітычных матывах уносіцца ў Пералік грамадзян, датычных да экстрэмісцкай дзейнасці.

Абмежаванні:

- прафесійныя забароны:

• на педагагічную і выдавецкую дзейнасць,
• дзейнасць, звязаную з абаротам наркотыкаў, псіхатропаў, зброі, боепрыпасаў і выбуховых рэчываў,
• заняццё дзяржаўных пасадаў і праходжанне вайсковай службы,

- асаблівы кантроль фінансавых аперацый,

- падстава для адмовы ў выдачы візы ці дазволу ва ўездзе ў Беларусь для замежных грамадзян_ак і асоб без грамадзянства.

‍

Вольнаму – воля! 

Задавайце пытанні, звярніцеся да нас па дапамогу і падтрымлівайце ад_на адн_у!

‍